Gipadakop sa iyaan kay nanion og armas

CEBU, Philippines — Gibalhog sa prisuhan ang usa ka 38-anyos nga lalakeng ex-convict human gidakop kay gireklamo sa iyahang iyaan kay gitionan niya og armas sa Sitio Bamboo, White Road, Barangay Inayawan, Cebu City kagahapon sa kadlawon, Martes, Abril 21, 2025.

Ang suspek mao si Ricky Ocariza Legaspi nga nagpuyo gihapon sa maong dapit. Samtang ang ang biktima mao si Virginia Yuman Ocariza, 66.

Sa imbestigasyon sa Inayawan Police Station 7 Cebu City Police Office(CCPO) ang biktima ni-report pasado alas 11 sa gabie niadtong Martes kay giingong gitionan siya og armas sa suspect.

Daling ni-responde ang kapulisan ug nadakpan ang suspek nga nakuhaan og usa ka .38 caliber revolver nga dunay lima ka bala.

Ang suspek sa iyang bahin miklaro nga dili niya intensiyon nga tionan og armas iyang iyaan.  Naa matod pa siya nakit-an tawo nga wala siya kaila nga nilayat sa bintana ug nisulod sa balay sa iyahang iyaan.

Pagkakita niya giapas niya ug nakasulod siya sa balay sa iyahang nga sigon pa sa suspek nakugang samtang nagkutaw og kape.

Dili siya hubog giingong wala sab siya nakagamit og illegal nga drugas atong higayona. Giangkon niya nga duna siyay armas para pangdepensa sa iyahang kaugalingon apan di kini lisensiyado.

Kasong kalapasan sa Republic Act 10591 ug Comelec gun ban ang suspetsado.  IBM BANAT NEWS