Mga kandidata ni-courtesy visit kang Bercede

CEBU, Philippines — Nag-courtesy visit kagahapon sa buntag sa buhatan ni Mayor Glenn Bercede ang mga kandidata sa Panagtagbo Festival Queen 2025 dungan usab nila nga nibisita sa buhatan ni Mayor Bercede ang mga kandidata sa Miss Palengke 2025 diin gipaila-ila sila ngadto sa konseho atol sa regular session.                                                                                                                                      

Nasayran nga adunay 12 ka kandidata ang Panagtagbo Festival Queen 2025 samtang 10 usab ang kandidata sa  Miss Palengke 2025.  Ang Miss Palengke 2025 ipahigayon karong May 2, 2025 diha sa Mandaue City Heritage Plaza sa alas 7:00 sa gabii.                                                                                                                                    

Sa Pasilong sa Paradise ipahigayon ang Panagtagbo of Festivals sa Mayo 4, 2025 sa hapon apil niini ang pagpili sa Panagtagbo Festiva Queen 2025.                                                                                                                                               

Ang pagahimuong indigay sa kaanyag sa Siyudad sa Mandaue maoy mga nag-unang kalihokan sa tinuig nga pagsaulog sa kapistahan ni Senyor San Jose nga maoy patron sa Siyudad sa Mandaue diin saulogon kini matag Mayo 8 sa tuig.                                                                                                                        

Nahimong upat ka hugna ang himuong indigay sa kaanyag sa pista sa Mandaue nga naglakip niini ang Reina de Mandaue sa Mayo 5, 2025 ug Miss Mandaue 2025 sa Mayo 6, 2025 sa gabii nga ipahigayon diha sa Mandaue City Cultural and Sports Complex sa Barangay Centro. BDB BANAT NEWS