Malinawon ang Semana Santa – PNP

CEBU, Philippines — Gihulagway sa Police Regional Office-7 nga hapsay ug malinawon ang pagtimaan sa Semana Santa sa Central Visayas.

Gikan sa Holy Monday, Abril 14 ngadto sa Easter Sunday, Abril 20, 2025 liboan ka magtutuo ang niadto sa mga simbahan, pilgrimage sites ug public spaces diin sila niapil sa religious activities.

Ang malinawon nga pagpahigayon sa tanang kalihokan nag-reflect sa hugot nga koordinasyon sa law enforcement agencies, local government units, religious leaders ug general public.

Gikompirma sa PRO-7 nga sa pagtimaan sa Semana Santa walay natala nga major incidents o hulga sa public safety diin gumikan kini sa comprehensive security ingon man public safety plan alang sa hapsay nga pagpatuman niini.

Naglakip sa key intervention ang deployment sa PNP personnel sa mga simbahan, processional routes, major transport terminals, pantalan ug tourist destinations, activation sa Police Assistance Desks ug Barangay Peacekeeping Units aron mo-assist pag-monitor sa local activities, implementasyon sa crowd control ug traffic management systems aron masiguro ang hapsay nga dagan sa congested areas.

Ang hugot nga pakig-alayon sa religious leaders ug civic volunteers dako usab og natampo sa epektibong event planning ug execution.

Samtang ang police visibility ug regional response capacity gipahugtan usab sa mga lugar ilabina sa Cebu City, Tagbilaran ug Cebu Province.

Subay niini, ang kapolisan sa Dakbayan sa Maandaue nihulagway usab nga walay natala nga mga insidente subay sa kalihokan sa Semana Santa ug malinawon ra ang siyudad.

Kini ang gibutyag sa tigpamaba sa Mandaue City Police Office Police Lieutenant Colonel Mercy Villaro.

Matud ni Villaro nga generally peaceful ang siyudad ug walay nataho nga mga insidente atol sa Semana Santa.

Ug subay sa kalihokan sa Semana Santa gitutokan nila ang Comelec checkpoint, kampaniya batok sa ilegal nga drugas ug sugal, wanted person, loose firearms ug uban pa.

Dugang ni Villaro nga tanang mga simbahan ilahang gibutangan og pads, mobile, diin pipila sa mga sakop sa kapolisan ang anaa sa terminals, wharfs, merkado, mall, dagko nga intersections ug pampublikong dapit. (BANAT NEWS)