Tibuok Sugbo malinawon atol sa Semana Santa
CEBU, Philippines — Nasinate sa Sugbo ang kalinaw ug kahapsay atol sa Semana Santa nonot sa hiniusang lakang sa dakbayan sa Sugbo ug Provincial governments, law enforcement agencies, ingon man disaster response units.
Suma pa ni Aderson Comar, Cebu City’s disaster chief, nga dunay lay ginagmay nga insidente sa kaguliyang ang natala sa tibuok semana.
“Hapsay ug hamugaway. Mingaw ra man...naa lay kagubot gamay kanang hadlok mabyaan, mag-inilugay, mao raman na especially sa port area,” suma pa ni Comar.
Gitahu usab niya nga dunay mga insidente sa sunog nga nahitabo apan minor lang kini ug way namatay o nasamdan.
Samtang taliwa sa grabeng kainit sa panahon walay gikatahu nga dagkong health-related concerns ngadto sa publiko.
“Daghan man ta, joint forces man pud. Sa Port area, naa tay taga Cebu Port Authority, nay police nag roving, nay medical teams, naa puy Maritime, and PNP personnel from different stations roving, unya naa puy mga taga Disaster. Daghan maka assist bisan asa. Sa Bus terminals, mao gihapon kay naa ang Cebu Province,” dugang pa niya. Samtang nagmalinawon usab ang Dakbayan sa Talisay sa pag obserbar sa Semana Santa hangtud na sa Easter Sunday kun pagkabanhaw ni Hesukristo.
Si Police Lt. Col. Maila Maramag, hepe sa kapolisan sa Talisay nibutyag nga gikan sa pagsugod sa kalihukan wala silay natala nga krimen.
Siya nagtuo nga gumikan kini sa pagtinabangay sa kapolisan, kabumberohan, coastguard, disaster ug quick response team, ct-toda, barangay tanod, force multiplier ug sa katawhan.
Sila si Maramag ang full force sa ilang sakop gikan pa sa pagsugod sa semana santa. “Generally peaceful ta and zero crime ta sa Talisay related sa semana santa ug Summer Vacation (SUMVAC),” asoy pa ni Maramag.
Adunay hitabo nga pagpanunggab sa Talisay niadtong Sabado apan isolated lang kadto nga kaso.
Nagpasalamat si Maramag sa kagamhanan sa dakbayan sa Talisay, sa mga kapitan ug katawhan nga nahimong malampuson ug malinawon ang siyudad. — /MEL (BANAT NEWS)
- Latest
