CCTV sa Mandaue padayon ang pagpalambo

CEBU, Philippines — Ang kagamhanan sa Dakbayan sa Mandaue nagpadayon karon sa pagpalambo sa kahimtang sa ilang mga closed circuit television (CCTV) camera nga gipahimutang diha sa kadalanan sa siyudad.

Gikataho nga kasamtangan karon nga anaa na sila sa final phase of installing sa citywide fiber optic network sa pag-upgrade niini.

Kini gitumong alang sa tataw nga high-resolution CCTV sa higayon nga mahimo na nga fully integrated digital systems ang tanan nga 27 ka barangay sa siyudad.

Si Atty, Jamaal James Calipayan, city administrator nibutyag nga ang maong final phase sa proyekto nikabat kini ngadto sa P43 milyones.

Matud ni Calipayan nga matag tuig nga pagpatuman sa proyekto ug ang ongoing upgrade sa mga CCTV camera maoy tubag sa siyudad alang sa rapid pace of technological advancement nunot usab sa nagkataas nga demand niini sa kabarangayan.

Dugang ni Calipayan nga ang labing bag-o nga fiber optic network maoy nagsilbing main data highway, linking CCTV systems, traffic lights, barangay monitoring hubs ug paingon ngadto sa City Command Center. — /BDB (BANAT NEWS)