PSA nakab-ot ang 101 porsyento sa National ID registration

CEBU, Philippines — Nakab-ot sa Philippine Statistics Authority sa Central Visayas (PSA-7) ang 101 porsyento nga rehistrasyon sa National ID System, human nakarehistro og kinatibuk-ang 7,107,744 ka indibidwal gikan sa 7.04 ka milyon nga target.

Sa maong ihap, 4,499,646 ang mga rehistradong indibidwal sa Cebu, 1,272,638 sa Negros Oriental, 1,237,213 sa Bohol, ug 98,247 sa Siquijor.

Matud sa PSA padayon ang ilang National lD registration karong tuiga, uban sa gipalapdan nga coverage alang sa mga bata ubos sa 1 ka tuig ang panuigon.

Ang gustong magparehistro mahimong mag walk-in sa mga designated registration centers sa PSA.  Gawas niini, ang mobile registration nagpadayon usab aron masiguro ang accessibility alang sa tanan nga mga residente.

Ang mobile registration usa ka paningkamot sa gobyerno aron mapaduol ang proseso sa pagparehistro sa National ID sa mga tawo, labi na sa mga hilit nga lugar, pinaagi sa pag-deploy sa mga mobile setup sama sa "PhilSys on Wheels," ug pagbutang og mga pop-up registration sites sa mga barangay, tunghaan, malls, ug uban pa.

Samtang hangtud sa Disyembre 31, 2024, adunay kinatibuk-ang 4,503,238 National lD cards ang na deliver na sa Central Visayas.

Mahimong i-track sa mga rehistrante ang delivery status sa ilang mga card pinaagi sa PHLPost tracking website sa hftp:/ltracking.phlpost.gov.phl gamit ang ilang 29-digit Transaction Reference Number (TRN) nga makita sa transaction slip.

Sa mga nagpaabot sa ilang National lD cards mahimong makakuha og printed copy sa National lD in Paper Form o ePhillD pinaagi sa pagbisita sa bisan asa nga registration center ug ipakita ang ilang transaction slips o kopya sa ilang TRNs.

Mahimo usab silang makamugna sa ilang Digital National lD pinaagi sa opisyal nga website sa https://national-id.gov.ph/. Ang Digital National lD mahimong i-save sa ilang mobile device pinaagi sa pagkuha og screenshot o pag-download sa file. (BANAT NEWS)