16-anyos namaligya’g marijuana
CEBU, Philippines — Usa ka 16-anyos nga lalaki ang na-rescue sa kapulisan sa Pari-an Police Station 1 Cebu City Police Office(CCPO) human nakuhaan og marijuana atol sa ilang buy-bust operation sa Sitio Riverside, Barangay Lorega San Miguel, dakbayan sa Sugbo.
Ang na-rescue duna nay rekord kaiadto ug nagpuyo ra sab sa naasoy nga dapit. Nakuhaan nila kini og 11.0 grams nga marijuana nga nagkantidad og P1,320.
Samtang ang mga operatiba sa Sawang Calero Police Station 6 nakadakop sab og usa ka 24-anyos nga lalake nga bag-o pang namaligya og ilegal nga drugas diha sa Block 4 sa maong barangay Sawang Calero kagahapon sa kadlawon, Marso 3, 2025.
Nasakmit gikan niya ang 1,025 grams nga shabu nga nagkantidad og P6.9 million.
Sa laing bahin, usa ka steel man sa construction site Suba-Basbas, Siyudad sa Lapu-Lapu ang nadakpan sa buy bust operation sa miaging gabii sa mga sakop sa City Drug Enforcement Unit (CDEU) sa Lapu-Lapu City Police Office (LCPO).
Ang nadakpan mao si Alyas Inot, 44, nakuhaan kini og lima ka gramo nga shabui nga nagantidad og P34,000.00
Sulod sa buwan sa Pebrero ang Police Regional Office(PRO)-7 nakasakmit og P78.7 million nga balor sa illegal nga drugas gikan sa nagkadaiyang lugar ubos sa hurisdiksyon niini.
Niabot sa 11,587.64 grams nga shabu ang nasakmit nga nibalor og P78.7 million apil na sab ang 700 fully grown marijuana plants nga nagkantidad og P142,454.
Niresulta kini sa pagkasikop sa 772 ka mga tawo, apil na niini ang 48 ka high-value targets, 592 ka street-level individuals ug 195 ka bag-ong identified individuals.
Si PRO-7 Regional Director Brigadier General Redrico Maranan mitataw sa importansiya sa kolaborasyon ug tabang sa komunidad ang yawe sa kalamposan kontra krimen. (BANAT NEWS)
- Latest
