Supporter ni Duterte gi-harass?   

CEBU, Philippines — Panimalay sa usa sa mga convenors sa Cebu People’s Indignation rally batok sa impeachment, kurapsyon ug matud pa pagpanaog-daog diha sa Mandaue City kagahapon ang gironda sa kapolisan pinasikad sa search warrant.Si Ernest ‘Jun’ Abines mi-post sa Facebook  og: “PNP are seizing my home and my phone.”

Paglabay sa pila ka oras, mi-post na sab siya ug mipasangil nga gikuha ang iyang cellphone ug gisuwayan kini pag down load.

“I believe what they did was illegal for tampering on on my cellphone which is an evidence that's supposed to be preserved,” matud pa niya. Gitambagan niya ang iyang mga higala sa pag delete niya sa ilang mga group chats aron dili sila mapagan.

“I have nothing to hide from the law…But assume CIDG and PNP is spying on this account. I advise personal message and jokes should not be sent to me. Because Diwata is now making PNP as his personal army to oppress the Filipino people.”

Kagahapong adlawa, ni post pag-usab si Abines sa Facebook ug giwadwad ang tanan didto. Matud niya niabot og upat ka oras ang pagsiksik sa mga polis sa iyang balay ug gikuha ang iyang cellphone ug laptop.

Matud niya ang mga polis nga nangronda gikan sa Manila.

Giklaro hinuon niya nga wala siyay problema sa mga polis kondili sa ilang opisyal nga ginganlan niya og General Torre nga gituohang mao ang gibansagan niyang Diwata.

“Namimihasa na sa pag violate sa basic rights to silence anyone,” matud pa niya.

Matud pa niya  kung dunay dautang mahitabo kaniya walay laing suspetsahan mao ang nahisgutang heneral.

Apan si Criminal Investigation and Detection Group (CIDG) chief Major General Nicolas Torre III sa usa ka FB account ni-post sab og suwat para kang Abines.

“Dear Mr. Jun Abines, Actions have consequences. Ipinakalat mo na naospital ako. Nagdulot ito ng pag-alala at pagkabalisa sa pamilya at mga kaibigan ko.  Ano ang naging aksyon ko? Sumandig ako sa batas, naniniwala ako na mali man ang ginawa mo ay may karapatan kang humarap sa korte at mabigyan ng due process.”

"A lot more than what your idol gave to people more innocent than you. Nag-apply ako ng search warrant para makuha ang mga phone at computer na ginamit mo sa katarantaduhang ginawa mo sa akin. Ngayon iiyak-iyak ka sa social media? Actions have consequences sir. At yung pangtarantado mo, ang consequence ngayon sa yo ay pagkuha mo ng abogado.

Reminder: BAGONG PILIPINAS NA PO. Wala na pong patayan pero kung salbahe ka, makukulong ka pa rin!” dugang pa niya. Si Abines usa sa 40 ka mga bloggers nga nailing supporter ni Duterte nga apil sa gipatawag sa quadcom;

Samtang ang singer-songwriter nga nahimong abogado nga si Atty. Jimmy Bondoc misaad nga iyang tabangan si Abines. Si Bondoc nia sa Sugbu aron pagtambong sa maong rally apan siya niklaro nga dili isip kandidato kondili nisuporta siya sa kawsa sa grupo..

Matud niya, pwede gyud makakuha og search warrant bisan unsang orasa, apan makapaduda nga gi-serve kini tungang gabii. (BANAT NEWS)