Police outposts nga inisyatiba sa CCPO gidayeg
CEBU, Philippines — Nibisita ang Regional Director sa Police Regional Office(PRO)-7 Police Brigadier General Redrico Maranan sa Cebu City Police Office(CCPO) kagahapon sa buntag diin mao kini ang labing unang higayon sa iyahang pagbisita sukad sa pag-asumir niini sa katungdanan niadtong Enero 12, 2025.
Gitan-aw ni Maranan ang mga ekipo nga gidonar sa Cebu City Government ngadto sa Special Weapons and Tactics(SWAT) sa Cebu City Police Office sama sa assault ug sniper rifles.
Gipresentar sab kaniya ang kapin sa 300 ka mga armas nga nasakmit sa CCPO sa ilang Simultaneous Anti-Criminality and Law Enforcement Operation lakip na kadtong mga armas nga gipang surrender.
Gipakita sab ni CCPO Director Colonel Enrico Figueroa ang bag-ong hulagway sa Police Outposts nga mas gipalambo diin duna kini contact numbers matag kilid sa onse ka mga police stations ug special unit sa CCPO.
Naa kini megaphone ug dunay duha ka blinkers sa kilid sa atop aron panahon sa kagabhion makita nga dunay police outpost sa maong lugar nga mapangayoan og tabang sa publiko.
Una nang gibutyag ni Figueroa nga 30 ni ka buok ang mga outposts sa kadalanan sa dakbayan, bantayan kini og tagduha ka polis sud sa 24 oras.
Tinguha sa CCPO nga pun-an pa kini og 20 aron malukop nila pag butang ang mga dapit nga taas ang krimen. Si Maranan mihangop sa inisyatiba sa CCPO kay mihaom kini sa iyang programa nga kinahanglan nga 90 porsiyento sa tanang police personnel naa sa karsada.
"I have received so many text positive text and messages also that they are appreciating the presence of our policemen on the street particularly those who are manning the outpost, as a matter of fact may mga accomplishment sila may nahuhuli silang snatcher hold upper etcetera and we are planning to put more outpost all over region 7," ni Maranan pa. —IBM BANAT NEWS
- Latest
