P22.9 milyong shabu nasakmit sa tulo ka adlaw nga operasyon

CEBU, Philippines — Sulod sa 72-hours ang kapulisan sa Police Regional Office (PRO)-7 nakadakop og 639 ka tawo ug nakasakmit og tulo ka kilong  nga shabu nga nibalor og P22.9 million.

Si PRO-7 Regional Director Brigadier General Redrico Maranan miingon nga ang ilang prayoridad nga target mao ang loose firearms ug ammunition, mga wanted, illegal gambling activities ug drug-related crimes kay mao ni ang sagad hinungdan sa krimen ilabi karong panahon sa eleksyon.

Gikan sa Pebrero 10 hangtod sa 12, 2025 nasikop ang 206 ka drug suspects ug nakompiskar ang 3,379.28 grams nga shabu ug 5 grams nga marijuana.

Usa sa mga operasyon nga gihimo sa City Intelligence Unit ug City Drug Enforcement Unit sa Mandaue City Police Officw mao ang ilang operasyon sa Sitio Mahusay, Barangay Subangdaku niadtong Pebrero 11, 2025 diin usa ka 23-anyos ang nadakpan ug nakuhaan og us aka kilong shabu, buy-bust money, mobile phone, cash ug belt bag.

Laing operasyon nahitabo sa Sitio San Juan, Barangay Mambaling diim  diin nasakmit ang 725 grams nga shabu nga nibalor og og P7.4 million.

Pagka Pebrero 12, 2025 ang Provincial Intelligence Unit/Provincial Drug Enforcement Unit, Cortes Municipal Police Station, Bohol Police Provincial Office (BPPO), ug Regional Intelligence Unit nihimo og buy-bust operation sa Purok 3, Barangay Upper De La Paz, Cortes, Bohol.

Nasakmit nila ang laing high-value individual ug nakuhaan og 1 kilogram nga shab ug nagkantidad og P6.8 million.

Sa kampanya batok wanted persons, 22 ang nabutang isip most wanted ug 184 ang other wanted persons ang nadakpan.  Samtang sa illegal gambling 209 ka tawo ang nasikop ug P17, 312 nga cash ang nasakmit.

Sa kampanya loose firearms  88 ka armas ang nasakmit ug gi-surrender ug 18 ka tawo nadakpan.

Sa pikas bahin, sa prisuhan nagsaulog sa Valentine's Day ang 30-anyos nga lalake human nadakpan sa buy-bust operation sa PDEA-7 Regional Special Enforcement Team uban ang PRO-7 Drug Enforcement Unit Special Operation Unit ug Cebu City Police Office Station 4 sa Sitio Tonggo, Barangay Banilad, siyudad sa Sugbo.

Ang suspetsado mao si alyas Darwin, 30, nga nakuhaan og 20 gramos nga gituohang shabu nga gibana-babang mobalor og P136,00, buy-bust money ug pitaka nga dunay sulod P200 cash.

Samtang nasakmit sab sa mga sakop sa City Intelligence Unit (CIU) ug City Drug Enforcement Unit (CDEU) sa Lapu-Lapu City Police Office (LCPO) ang 50 gramo nga shabu nga nagkantidad og P340,000.00 gikan sa High Value Individual (HVI) nga pusher nga si alyas Brug, 50, diha sa Barangay Punta Engaño, Huwebes sa gabii. Sa usa ka semana nga Simultaneous Anti- Criminality Law Enforcement Operation (SACLEO) sa kapolisan  sa maong siyudad, 839 ka tawo ang nasikop sugod niadtong Pebrero 3 hangtod sa Pebrero 9, 2025.—  Romeo Limpangog, IBM BANAT NEWS