Danyos sa sunog sa Talisay miabot og tunga sa milyon ka pesos

CEBU, Philippines — Miabot sa tunga sa milyon ka pesos ang danyos sa sunog nga nahitabo sa Purok 7, sitio Catican, Barangay Tapul, Dakbayan sa Talisay niadtong Martes sa buntag.

Nadawat sa kabomberohan ang alarma alas 10:32 sa buntag apan sa pag abot sa mga bombero naugdaw na ang panimay nga gipanag-iya ni Natividad Colina.

Si FO2 Mar Dee II Auxtero sa Talisay City Fire Station nibutyag nga na fire out ang kayo alas 10:55 sa buntag ug pag abot nila sa lugar naugdaw na gyud ang panimay.

Ang barangay Tapul nahimutang sa bukiran nga bahin sa siyudad sa Talisay.

Walay nakalas o nasamdan sa panghitabo pero ang danyos niabot kini sa P504mil.

Padayon pa nga giimbestigar sa kabomberohan ang hinungdan sa pag-ulbo sa kayo. (BANAT NEWS)