Nagsige’g  bag-id sa iyaha ngadto sa dalagita gidakop   

CEBU, Philippines — Nagtingkagol sa karsel ang usa ka 38-anyos nga lalaki human nakwelyohan sa mga tawo tungod sa pagbinastos niini sa 17-anyos nga tinun-an diha gisakyang sa bus pasaheroan niadtong Sabado sa gabii.

Ang maong lalaki gisikop human ang dalagita sa dihang nikanaug kini diha sa National Highway North Road, Barangay Tabok,  Mandaue City.

Matud pa ni PLt. Col. Mercy Villaro, ang tigpamaba sa Mandaue City Police Office, ang biktima ug ang suspek parehong nagbarug sa sud sa maong bus kay wala nay malingkuran.

Apan nakabantay ang dalagita nga magsige og dumbol sa iyang luyo ang suspek ug tuyuon og bag-id ang atubangan niini ngadto sa iyang sampot.

Tungod niini, nibalhin sa unahan ang dalagita apan gikatahong nisunod gihapon kini ug gibuhat gihapon kini.

Sa dihang nakabantay ang suspek nga padung na mosumbong ang dalagita, dali unta kini nanaog apan nakuptan kini sa konduktor ug sa ubang mga pasahero.

Ang suspek kinsa taga Barangay Bakilid nabukbokan gyud sa ubang mga pasha     ero ayha pa siya nakuha sa mga polis.

 Nasayran gikan kang Villaro nga dunay pending nga kasong rape diha sa Family Court sa Regional Trial Court (RTC) 7 sa Mandaue City ang suspek.

Ang maong minor de edad nga bata andam kini mopasaka ug kaso nga Acts of Lasciviousness in relation to R.A 7610. (BANAT NEWS)