Grupo sa force multipliers nagsaulog sa ilang anibersaryo
CEBU, Philippines — Nagsaulog sa ilang ikatulong anibersaryo ang Ready To Care Barangay Reformation Advocacy and Villages Empowerment (RTC BRAVE) diin ang ilang kalihokan gipahigayon ngadto sa gym sa Lungsod sa Sibonga kagahapon sa buntag.
Ang RTC BRAVE gilangkuban sa mga civilian gikan sa Luzon, Visayas ug Mindanao nga nagsilbing force multipliers aron makatabang sa pagpatunhay sa kahapsay ug kalinaw.
Si Police Lieutenant Colonel Randy Caballes, nag-umol sa RTC BRAVE nga ang mga miyembro mga volunteer kini sa maong grupo sa mga force multiplier nga nagsuporta sa kapolisan sa peace and order.
"Kini sila, mao ni sila atong gi-partner sa atong nakita nga atoang kapolisan nanginahanglan gyud og support sa komunidad ug usa ani ang kining mga organizations sama aning mga force multipliers nga mosuporta ilabi na sa information gathering ug kining sa atoang pagabuhaton nga activity sa police through sa mga peace and order programs", padayag ni Caballes.
Nasayran nga niabot ngadto sa 4,000 ang gidaghanon sa RTC BRAVE sa tibuok nasud.
Sa pag-apply pa lang aron mahimong miyembro sa RTC BRAVE adunay selection process aron masiguro nga dili makaapil kadtong adunay records ug mga badlongon sa katilingban.
"Kini sila, naa ni sila makita nato sa mga police stations, nag-duty ni sila, nag-abag sa atong police during sa ilahang checkpoints ug other activities sa police station, naa sad ta’y grupo sad sa mga intel group nga nagtabang sad sa pag-provide og mga information sa kapolisan", ni Caballes pa.
Gipaubos usab sa pagbansay-bansay ug seminar ang mga miyembro sa RTC BRAVE. (BANAT NEWS)
- Latest
