Unom ka bata na-rescue, langyaw sikop

CEBU, Philippines — Na-rescue sa kapulisan sa San Remigio Police Station ang unom ka mga menor de edad nga taga Barangay Mambaling, siyudad sa Sugbo ug gisikop sab ang 45-anyos nga Australian National nga ilahang gikuyogan kay gusto nila mag island hopping niadtong Pebrero 4, 2025.

Si Police Executive Master Sergeant Yuri Colonia, imbestigador sa San Remigio Police Station mibutyag nga dihang naabot sa Hagnaya Port ang langyaw ug ang unom ka mga batang nag-edad 17 ug 15 anyos gi-hold sila sa Tourist Police nga naka-duty adtong higayona.  Sigon pa sa mga menor de edad nga padulong sila sa Isla sa Bantayan kuyog ang maong langyaw kay mag island hopping unta.

Apan ubos sa balaod gidili man ang magkuyog og mga menor de edad ilabi na nga dili kadugo mapa private man o public places lakip na sa mga hotels ug resorts.

"Didto nahibaw-an nga kini diay mga bataa mga minor, 17 gani to ang pinakamaguwang nila og edad, 15 ang kamanghuran," sigon pa ni PEMS Colonia.

Ang WCPD sa Police Station nangutana sa mga menor de edad labot sa pagkuyog nila sa langyaw ug mitubag nikuyog sila kay gustong mag Island hopping.

"Wala gyud siya'y uyab sa unom, friend lang gyud kuno, friend...Ang iyaha kunong uyab friend kuno aning unom ang iyang uyab pero wala kuno nikuyog maoy ingon niya(langyaw)", matod pa ni PEMS Colinia.

Gipangayoan ang langyaw og passport apan wala kini napakita nga dokumento ug nasuta sab sa kapulisan nga ang maong langyaw giingong duna nay kaso kaniadto nga namiktima og mga menor de edad.

Gumikan sa hitabo, gidakop ang langyaw ug pasakaan kini og kasong kalapasan sa Special Protection of Children Againts Abuse, Exploitation, and Discrimination Act.

Ang mga menor de edad gitugyan sa Municipal Social Welfare and Develop ngadto sa DSWD Regional Office.

"This incident underscores the importance of vigilance in protecting our children from potential exploitation. Our police personnel remain steadfast in enforcing laws that safeguard minors. We urge the public to remain vigilant and report any suspicious activities to prevent similar cases. The Cebu Police Provincial Office is committed to upholding the welfare and safety of our youth and the entire community", ni Police Colonel Jovito Atanacio pa, Provincial Director sa Cebu Police Provincial Office.  IBM BANAT NEWS