^

Banat Balita

Duha ka minahan gimanduan paghunong sa ilang operasyon

Le Phyllis F. Antojado-Orillaneda - Banat

CEBU, Philippines — Si gobernador Gwendolyn Garcia miluwat og duha ka managlaing executive orders (EO) nga nagmando sa duha ka kompaniya sa minahan nga ihunong ang tanang “earth moving” nga operasyon niini sulod sa usa ka bulan samtang padayon ang gihimong environmental audit ug assessment.

Unang miluwat og EO number 2 si Garcia nga naglugway sa una niyang giluwatan nga EO niadtong Disyembre sa niaging tuig nga nagmando sa Apo Land and Quarry Corporation (ALQC) sa siyudad sa Naga, nga ihunong ang pagkubkob niini sa mga dapit nga sulod sa Mineral Production Sharing Agreement (MPSA) niini sa mosunod nga dugang 30 ka adlaw sugod Enero 10.

Ang rason niini gumikan kay ang gipadayon nga environmental audit, comprehensive area risk assessment ug pagsuta sa kapasidad sa MPSA kinahanglan pa og dugang oras o panahon aron makumpleto.

“pending the ongoing environmental audit, comprehensive areas risk assessment and determination of the carrying capacity, and under the precautionary principle in environment law, general welfare clause) Section 16 of R.A 7610), the principle of parens patriae, the Provincial Governor can take measures in order to prevent imminent harm, damage, and injury to the environment and/or human health and safety under Republic Act No. 10121” tipik sa EO ni Garcia.

Miluwat usab og laing EO number 3 si Garcia nga nagmando sa Solid Earth Development Corporation, laing quarry company sa lungsod sa San Fernando nga ihunong ang pagkubkob sa mga dapit ubos sa MPSA niini sulod sa 30 ka adlaw.

Sumala sa Gobernador ang maong kompaniya, nagpadayon sa pagkobkob sa mga dapit nga duol sa mga nagpuyo nga residente.

Susama sa ALQC, ang gobernador mipahigayon og pasiunang risk assessment sa operasyon sa maong kompaniya.

“There is an urgent need for environment audit, comprehensive area risk assessment, and the determination of the carrying capacity of the MPSA areas,” pagbasa sa EO number 3, penetsahan Enero 9, 2025.

Ang MPSA usa ka mineral agreement nga iluwat sa Mines and Geosciences Bureau, aron pagtugot sa kompaniya sa minahan nga mokubkob sa partikular nga lugar.

Ang MGB usa ka attached agency sa Department of Environment and Natural Resources (DENR).

Giawhag ni Garcia ang maong mga kompaniya nga mosunod ug mokooperar sa maong lakang sa Kapitolyo pagpahigayon og environmental assessment.

Gimandoan usab ni Garcia ang lokal nga kagamhanan sa siyudad sa Naga ug sa San Fernando, lakip na ang Cebu Provincial Police Office, Department of Environment and Natural Resources – Environmental Management Bureau ug Mines and Geosciences Bureau nga striktong ipatuman ang iyang mga kamandoan. (BANAT NEWS)

GWENDOLYN GARCIA

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with