^

Banat Balita

Sinulog sa Badian ipahigayon karong Enero 26

Le Phyllis F. Antojado-Orillaneda - Banat

CEBU, Philippines — Gawas sa Sinulog sa Carmen, sa amihanang bahin sa Probinsya sa Sugbo, ang lungsod sa Badian, mopahigayon usab og Sinulog sa Badian Festival karong tuiga.

Ang local Tourism Office sa lungsod pinaagi sa Breathtaking Badian nga facebook page niini mianunsyo sa maong festival nga gikatakda karong Enero 26.

“As we come together to honor our rich cultural heritage and devotion to Señor Santo Niño, we are thrilled to share the official guidelines to ensure that Sinulog sa Badian 2025 is a meaningful, vibrant, and safe celebration for everyone” sumala sa Badian Tourism Office.

Sa opisyal nga guidelines nga giluwatan alang sa Sinulog sa Badian, ang makaapil niini mao ang tanang mga Badianganon.

Mamahimong magporma og grupo nga langkoban og 40 ngadto sa 60 ka performers lakip na niini ang propsmen, actors, ug andas bearers.

Ang molapas sa gidaghanon nga gilatid, kuhaan og 20 ka puntos sa scoresheets sa mga judges.

Sa presentasyon sa matag contingent, gilimitahan og unom (6) ka minutos lang ang tibuok nga pasundayag apil na ang “recorded add-ons” sama sa voice overs, instrumental ug uban pa.

Sumala sa LGU kinahanglan klaro ang storyline o storya sa presentasyon nga mosubay sa Sinulog sa Badian Festival.

Ang mga “steps” o lihok sa pagsayaw nga mopakita og malaw-ay, violence o bulgar ang strikto nga gidili.

“These may include popular social media dance crazes and those that stem from Filipino novelty songs (Otcho-Ocho, Spaghetti Pababa, etc.). Contingents who violate this provision will automatically be disqualified from the competition” sumala sa LGU.

Apil usab ang bulgaran ug malaw-ay nga costume ang gidili. Kinahanglan nga Philippine based costume ang sul-obon sama sa pre-hispanic theme, modern Filipiniana ug uban pa.

Ang maong festival adunay street dancing ug ritual showdown diin ang LGU mopatuman og “one entrance and one exit” nga polisiya.

Sa mga taga Badian nga gusto moapil, ang pagsumiter sa registration form gitakda sa Enero 17, samtang ang flash drive kon asa ang music sa contingent kinahanglan masumiter sa dili pa o sa adlaw sa petsa 24.

Sa premyo, ang makadaog sa street dancing, best in costume, best in musicality ug Sinulog Festival Queen adunay premyo nga tag P10, 000 matag kategoriya.

Ang champion sa ritual showdown makadaog og P50, 000, ang 2nd placer P30, 000, 3rd placer P20, 000 ug ang consolation P5, 000. (BANAT NEWS)

SINULOG

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with