Kapitolyo mihatag og P2 milyones alang sa Sinulog sa Carmen
CEBU, Philippines — Gihatagan og P2 milyones nga tabang pinansyal sa Probinsya sa Sugbo ang lokal nga kagamhanan sa lungsod sa Carmen alang sa pagpahigayon sa lungsod sa Sinulog sa Carmen.
Ang maong kalihokan ipahigayon sa Enero 26, kon diin si Garcia gikatakda usab nga motambong sa maong kalihokan.
Ang Carmen mopahigayon sa ika-52 nga kapistahan ni Sr. Sto Niño karong tuiga, usa ka semana gikan sa Sinulog sa dakbayan sa Sugbo nga gikatakda sab nga ipahigayon ang Grand Parade sa Enero 19.
Si Carmen Mayor Carlo Villamor nagkanayon nga gawas sa pagpangandam nila sa Sinulog sa Carmen, aduna pud silay contingent nga mosalmot sa Sinulog Grand Parade sa karong Enero 19.
Apil sila sa 10 ka contingents sa Probinsya sa Sugbo nga moapil sa grand parade.
Gawas sa P2 million alang sa Sinulog sa Carmen, mihatag usab ang Kapitolyo og laing P2 million alang sa proyekto sa imprastraktura sa lungsod. — /MEL (BANAT NEWS)
- Latest