CEBU, Philippines — Kaduha matag semana ipatuman sa siyudad sa Talisay ang pagdili sa pag gamit og plastic sa mga establisamento.
Si konsehal Lito Bacaltos, chairman sa committee on environment nitug-an nga gisugdan nila kini og implementar niadtong miaging semana.
Ilang paminawon ang estorya sa katawhan pero siya sigurado nga sakto lang ang ilang gibuhat tungod kay grabeng kadaot sa kalikupan ug epekto sa katawhan ang plastik.
Si Bacaltos nagkanayon nga ang mga tindahan maoy mopatuman niini ug ang molapas makamulta. Sigon pa niya nga sa sunod tuig ilang usbon ang pag implementar nga posible himuon na kini nga katulo sa usa ka semana.
Matud pa ni Bacaltos nga kung mahimo sa uban nga lugar ang pagdili sa pag gamit sa plastik nganong dili man mahimo sa Talisay.
Ang ordinansa nga no plastic policy naaprubahan sa miaging tuig ug karon gihinay-hinay na sa pagpatuman. MEL BANAT NEWS