Mga E-bike gisugdan na og regulate sa siyudad sa Talisay
CEBU, Philippines — Walo ka barangay sa Dakbayan sa Talisay ang dili na pasudlan og mga E-bike.
Nasayran ang Talisay naa na sa estado sa pag-regulate sa mga E-bike ug nakita nga kining walo ka barangay walay nakita nga nagdagan nga E-bike tungod kay nahimutang kini sa bukirang bahin.
Sa pagkakaron, 14 ka barangay ang anaay E-bike nga nagdagan nga mao ang gisugdan og parehistro ug pagkuha og identifcation card sa mga drayber niini.
Si konsehal Danny Caballero, chairman sa committee on traffic nagkanayon nga niadtong Martes ilang napasar ang minutes sa ordinansa alang sa pag regulate sa E-bike.
Siya nipadayag nga ila kining gihimo aron makatabang sa nanginabuhi sa E-bike ug di sila makasamok sa dagan sa trapiko.
Si Jonathan Tumulak, pangu sa City of Talisay-Traffic Operation Development Authority (CT-TODA) niingon nga sugdan nila ang pagpahigayon og road safety seminar sa mga drayber.
Ipaubos sab sa drug test ang mga drayber ug pagkuha og accident insurance.
Samtang si Talisay City mayor Gerald Anthony “Samsam” Gullas nipadayag nga aron kalikayan ang reklamo sa overcharging naa gyud silay taripa sa plitehan. MEL BANAT NEWS
- Latest
