40 ka Cebuano grads nakasulod sa top 10 sa LEPT Exams

CEBU, Philippines — Moabot kuwarenta (40)  ka mga graduates sa Cebu ang nakasulod sa top 10, samtang tulo niini Top 1, sa Septiyembre 2024 Licensure Examination for Professional Teachers.  Ang tulo ka Top 1 gikan sa Cebu Normal University.

Sa gipagawas nga resulta kagahapon sa hapon, December 13, si Nomel Alyssa Andan ug Mary Eloisa Fullo ang nag una sa lista sa elementary level samtang si Lara Montebon Tero sa Secondary Level.

Ang tulo ka mga bag-ong maestra gikan sa Cebu Normal University. Si Andan ug Fullo nga may passing rate nga 94% ug Tero nga may 94.60%.

Baynte kuwatro niini ang sa elementary level, samtang 16 mao ang sa secondary level.

Samtang ang nagsunod nila mao silang Keith Bravo Cullo sa Cebu Normal University (Top 3) nga may 93.60%; tulo ka Top 5 nga silang Ana Mae Panisan Adolfo ug Jesryll Tonette Guinita Logarta gikan Cebu Normal University, ug Roan Kyla Sombiro Sansan sa Mandaue City College nga may 93.20%.

Si Judy Ann Caballero Lima sa Cebu Technological University-Danao,  Daniela Dalyn Paredes sa Cebu Normal University, Jessabel Escribano Rodrigo sa Cebu Technological University-Tuburan ugElizabeth Jumao-as Sanchez sa Cebu Technological University-Main nagkuyog sa ika-6 nga pwesto nga may 93% rate.

Ang taga Cebu Technological University-Argao nga si Rizalie Jan Cabrera ug Righteous Pepito Pilapil nga gikan sa La Consolacion College-Liloan nakasod sa Top 7 nga mat 92.80%.

Silang Caryl Joy Languido Abello; April Mae Alo Abendan; Fatima Alfanta Allera; Shara Joy Pacina Balatucan; Desirey Mae Samson Baron; Kimberly Torrano Plania; ug Marie Louise Sacamay nga pulos taga Cebu Normal University nasod sa Top 8 nga may 92.60% nga rate.

Nag-inusara si Jele Ann Aranco Guardiario nga gikan sa Cebu Normal University sa ika-9 nga pwesto nga may 92.40% nga rate.

Samtang ang mga bag-ong maestra nga silang Julie Marie Verana Gonesto sa Cebu Normal University; Gleziel Jardin Ludovice sa Cebu Technological University-Argao; Rose Marie Mandawe Mahusaya sa Cebu Normal University; ug Diana Rose Millan Ponce sa Cebu Technological University-Argao nakakasulod sab sa top 10 nga may 92.20%.

Sa secondary level, nakuha ni Ma. Romilyn Cañete Patindol sa Cebu Normal University ang ikatulong pwesto nga naay 94.20%.

Samtang sila Antoneth Ornido Acedre ug Alma Ybañez Maglasang nga parehos taga Cebu Normal University ug Nathaniel Cenas Niar sa University of San Carlos nakakuha og 93.40% hinungdan nga nakakuha sa ika-6 nga pwesto.

Nag-inusara si Christine Pearl Flores Abarquez nga gikan University of San Jose-Recoletos sa ika-7 nga may 93.20%.

Usa ra sad sa ika-8 nga pwesto si Maria Margarita Ampong Mantilla nga gikan University of the Philippines Cebu nga may 93%.

Silang Adonis Albarracin Bañaga II; Kenneth Brando Sagmon Fernandez; Christian Rodrigo Giango; April Dane Comiso Montederamos; Alyssa Mae Retubado Ranque; Shaira Marabe Yanson nga pareho nga taga Cebu Normal University nakatungtong sa ika-9 nga pwesto nga may 92.80%. Samtang ang mga taga CNU gihapon nga silang John Philip Angco Alibong; Johnflor Narsico Limutan;  ug Lhar Briane Cadampog Sinsay nakakuha sa ika-10 nga pwesto nga may 92.60%.

Ang Professional Regulation Commission (PRC) miingon nga 20,025 ka mga magtutudlo sa elementarya ang nakapasar gikan sa 44,002 ka mga examinees kon 45.51%.

Samtang, 48,875 ka mga magtutudlo sa sekondarya sa 85,926 ka mga examinees kon 56.88% ang nakapasar sa LET karong tuiga.  IBM BANAT NEWS