CEBU, Philippines — Gipadayag ni Bise Mayor Nerissa Soon-Ruiz ang iyang pagsupak alang sa hingpit nga pagkanselar sa gihan-ay na nga city-wide Christmas and year-end celebrations in 2024.
Si Ruiz, nunot sa iyang pagsupak sa pagkanselar sa City Wide Christmas year -end activities nipadayag usab sa iyang suporta sa gitinguha nga pagtabang sa mga biktima sa bagyo ngadto sa Luzon.
Matud ni Ruiz nga mahimo ang pagtabang apan dili ang kinatibuk-ang gahin alang sa kalihokak sa pagsaulog sa pasko ug dili lang himuong bongga ang maong kasaulogan.
Gibutyag ni Ruiz nga ang buhatan sa mayor sa siyudad wala pa makatino sa tukmang kantidad nga ihinabang sa mga biktima sa bagyo ngadto sa Luzon area.
Dugang ni Ruiz nga ang kagamhanan sa Siyudad sa Mandaue ang adunay gahin nga P7 milyones alang sa pagsaulog sa pasko karong tuiga ug kini ang kuhaan apan dili ihurot ang tanan sa paghatag og hinabang. — /BDB (BANAT NEWS)