Kapolisan sa Cordova nihingusog sa pagpatrolya matag gabii
CEBU, Philippines — Gihingusgan karon sa kapolisan sa Lungsod sa Cordova nga gipangulohan sa ilang hepe nga si Police Major Joffre Grande ang pagpahigayon sa pagpatrolya matag gabii nonot usab sa pagpatuman sa curfew ordinance.
Kini aron sa paghatag og kasiguroan nga mapugngan ang katawhan ilabi na ang kabataan sa paggawas sa panimalay panahon sa halawom na nga kagbhion.
Si Major Grande miingon nga ang pagpatrolya ilang gihimo sa gabii aron sa pagpakgang sa mga dautang elemento nga mamiktima sa mga insodente.
Dugang pa ni Major Grande nga gipahigayon usab sa kapolisan ang pagbisita sa kabarangayan ug gitapok ang mga molopyo alang sa pagpahigayon og mga pulong-pulong sa tuyo nga mapalig-on pa ang relasyon sa kapolisan ug sa mga molopyo.
Subay niini ilang gipangayo sa mga molopyo ang ilang pag-abag alang pagpatunhay sa kahapsay ug kalinaw sa ilang barangay ug kapugngan ang mga dautang elemento nga makahimo og krimen sa ilang dapit. (BANAT NEWS)
- Latest