PRO-7 nihingusog sa kapaniya batok sa loose firearms

CEBU, Philippines — Gihingusgan sa Police Regional Office (PRO)-7 ang ilang kampaniya batok loose firearms sa Central Visayas.

Matud ni Police Lieutenant Colonel Gerard Ace Pelare, tigpamaba ni PRO-7 nga agresibo ang ilahang kampaniya batok loose firearms.

Dili lang mga nagtenir og armas ang ilahang target apan apil ang mga manufacturer og dili lisensyadong armas hinungdan nga ang kapolisan adunay mga gipangdakop nga naghimo og mga armas nga walay lisensiya.

Hugot nila kining gibantayan aron dili magamit sa daotan ilabi na nga nagkaduol na usab ang eleksiyon.

Si Pelare nagkanayon nga importante kaayo ang mga impormasyon nga ihatag sa komunidad sa ilang pakigbatok niining ilegal o loose firearms.

"Mao nay gibalik-balik sa atong regional director we always get vital information from the community and we are very lucky here in Central Visayas, everything that we have presented all the accomplishment operational and administrative would have not be achieved without the help of a very supportive community in Central Visayas", dugang ni Pelare. (BANAT NEWS)