Opisyal sa Siquijor gipasakaan og kaso sa Ombudsman
CEBU, Philippines — Gipasakaan og kasong kriminal ug administratiba complaints si Siquijor Vice Governor Mei Ling Quezon-Brown sa Office of the Ombudsman.
Usa ka residente sa Barangay Can-asagan, San Juan, Siquijor nga si Marty Vittorio Saludar ang nipasaka og reklamong grave abuse of authority, serious dishonesty, gross misconduct, gross negligence, ug acts inimical to public interest batok sa maong opisyal.
Gitinguha ni Saludar nga imbestigahan ang bise gobernador kabahin sa mando ug aksiyon niini diha sa provincial board lakip ang pag-isyu og kamandoan sa pagdili sa mga tawo sa pagsulod sa session kong walay pagtugot gikan kaniya.
Matud ni Saludar nga subay sa Government Code ug ilahang house rules nga ang session ug committee hearings bukas kini sa tanan.
Ang reklamong abuse og authority giingong gumikan sa pagpanghulga sa opisyal sa PB nga i-contempt sa committee hearing tungod kay dili kabahin sa iyang trabaho.
Ang maong insidente giingong nahitabo niadtong May 30, 2024 atol sa budget hearing diin ang attendance alang lang sa mga giimbitar.
Base sa pasangil ni Saludar nga niadtong higayona ang gipangutana sa Bise Gobernador si PB Member Erson Digal nga tangtangon ang abogado nga si Frank Dinsay sa session hall ug dihang si Digal nagduha-duha giingong gihulga kini nga i-contempt.
Si Brown giingong nag-umol usab kini og “committee as a whole” nga wala ang required concurrence sa PB members ug giingong wala kini masubay sa balaod. (BANAT NEWS)
- Latest
