CEBU, Philippines — Si Attorney Joey Daluz nagkanayon nga pasagdan lang una ang iyang mga kauban nga board members nga nag-awhag kanila nga mokanaog sila sa posisyon ug hulaton nila ang desisyon sa Local Water Utilities Administration (LWUA) nga tangtangon sila.
Kini ang gibutyag ni Daluz, chairman sa Metropolitan Cebu Water District (MCWD).
Matud ni Daluz nga ang MCWD sa kinatibuk-an dili mohatag og mga kopya sa board resolutions ngadto sa gitudlo nga chair nga si Retired General Mel Feliciano ug laing duha ka gitudlo isip board members ug giingong wala kini giila sa LWUA.
“As of now I think the MCWD management and the employees are in the right position na until they get a confirmation from LWUA they cannot give that privilege nga ilang gipangayo”, matud ni Daluz.
Kabahin sa baroganan nila ni Attorney Danilo Ortiz ug Attorney Earl Bonachita, si Daluz nagkanayon nga ilaha kining pagpili nga dili na motambong sa ilang board meetings.
Ug tungod niini, sila si Ortiz ug Bonachita dili na usab maka-access sa nahitabo atol sa ilang mga tigom.
“Di man sila mo-recognize namo and gusto sila magpahatag sa among mga actions sa board? I think mga bright man ning mga tawhana ba", ni Daluz pa.
Matud usab ni Daluz nga dili sila makamando kanila nga pahunongon sa ilang serbisyon isip MCWD board tungod kay wala sila ilha nila nga mga miyembro sa board.
Gipadayag ni Daluz nga dili sila mohimo og bisan unsang counter motion sa maong suwat.
“Amo na lang sa na silang pasagdan... that's their prerogative...as of now, no need to answer or make any counter action”, ni Daluz pa.
Dugang ni Daluz nga “anyway they will have their time, kong moingon sila nga i-confirm ko sa LWUA then kami nasay mo out”,.