Nakubkoban nga riles sa Danao main track sa coal wagon

CEBU, Philippines — Gikompirma sa lokal nga kagamahanan sa Siyudad sa Danao nga ang adunay kabahin ang nakubkoban nga relic diha sa ilang siyudad sa Old Cebu Railway.

Human sa gihimong imbestigasyon sa local government unit ug konsultasyon sa mga eksperto sa University of San Carlos nasuta nga ang particular nga relic nga nakubkoban diha sa Bibiana Mercado Integrated School sa Barangay Looc, Siyudad sa Danao dili kabahin sa main railway route apan gidesinyo kini pagdugtong padulong sa coal wagon padulong sa main track.

“Serving as a vital link between the main track and the coal mines located in the mountainous areas of Danao City, this track facilitated the efficient transport of coal, which was the primary source of fuel for the railway”, matud sa LGU.

Ang LGU nagkanayon nga ang presensiya sa maong coal wagon track nagsuporta kini sa pagkaabunda kaniadto sa coal resources sa siyudad.

“The presence of this coal wagon track further supports that Danao City industry was abundant in coal resources during that era. This fact is evident in the city's official seal, which prominently features "coal mining" as a testament to its rich coal heritage”, dugang sa kagamhanan sa siyudad.

Isip kabahin sa Cultural Heritage Mapping ipadayon sa LGU ang obserbasyon ug paglimpiyo sa maong feature ug nisiguro nga ampingan kini sa siyudad.

Mohimo usab og dugang nga pagtuon ang mga eksperto sa USC sa kasaysayan ug artifacts sa Danao. (BANAT NEWS)