CEBU, Philippines — Kritikal ang kahimtang sa usa ka pintor dihang kalit lang nga gipusil sa lalaking kanhi kapuyo sa babayeng iyaha na karong kapuyo samtang nag-inom sa sulod sa lawak sa gipuy-an nilang boarding house sa Barangay Alegria, Lungsod sa Cordova alas-10 pasado ang takna sa Biyernes sa gabii.
Si Police Corporal Dhex Anthony Balaod sa Cordova Police Station miila sa biktima nga mao si Edronic Belaguas, taga Barangay Basak, Dakbayan sa Lapu-Lapu.
Ang suspetsado nga nagpusil sa biktima mao si Benjie Lapian nga taga Pasil, Dakbayan sa Sugbo.
Matud pa ni Balaod nga nagkabulag na si Lapian ug ang kanhi kapuyo niining babaye kapuyo karon sa biktima .
Dugang pa ni Balaod nga samtang nagkukabildo ang biktima ug sa sa iyang kapuyo atol sa ilang panag-inom sa sulod sa lawak sa gipuy-an nilang boarding house kalit mitumaw ang suspetsado ug gipusil ang biktima.
Human sa maong pagpusil daling misibat palayo sa lugar ang biktima nga nakabaton og samad pinusilan sa iyang tiyan ug gidala sa tambalanan.(/IBM)(BANATNEWS)