CEBU, Philippines – Si Archbishop Jose Palma sa Archdiocese of Cebu ug Chairman sa Commission on the Laity, Fe Mantuhac-Barino niapelar sa mga sakop sa Kapisanan ng mga Broadcaster ng Pilipinas (KBP)-Cebu Chapter sa pagtabang sa pagpakaylap sa ‘Pagsangyaw 2021’ sa bisan unsa nga mga pamaagi diha sa ilang tagsa-tagsa ka mga sibyaanan.
Atol sa regular monthly meeting sa KBP-Cebu gipakita sa Commission on the Laity ang ‘Pagsangyaw 2021’ ngadto sa kadaghanan sa mga managers sa mga sibyaanan.
Gihangyo ni Barino, ang mga managers sa pagpatukar sa mga segment sa ‘Pagsangyaw 2021’ sa bisan asa nga gusto nila nga mga oras kini agi ug pagtabang nila sa pagpakaylap sa maong kalihukan.
Andam ug bukas ang linya sa komunikasyon ni Barino ilabi na may kalabutan sa maong aktibidad.
Si Palma. sa iyang bahin, nitug-an mapasalamaton siya sa mga opisyales ug membro sa KBP-Cebu sa paghatag sa ilang panahon sa pagtambong sa ilang tigum ug niawhag kini nga aduna silay daghan mga pamaagi alang sa pagtabang sa Pagsangyaw 2021.— /LPM (BANAT NEWS)