CEBU, Philippines — Nagatubang og kasong attempted parricide ang ka 63-anyos nga amahan human niya gisuwayan sa pagpatay ang kaugalingon niyang anak nga nidapig ug niprotihir sa iyang anak nga gikulata sa suspek.
Ang gikasohan mao si George Ungay, nga taga Sitio Katibis, Barangay Guba, Cebu City kinsa gipasakaan karon og kasong attempted parricide.
Ang suspek temporaryong makagawas sa prisohan kun kini makapiyansa og P120,000.
Sa inquest proceeding, George nipili nga dili tubagon ang pasangil sa piskalya kay buot niya kining atubangon didto sa korte.
Si Chirrel Ungay, 21, anak sa suspek nagkanayon nga niadtong Abril 27, 2019 sa alas 4 p.m. gisuwayan siya sa pagpatay sa iyang amahan pinaagi sa pagpuspos kaniya og kahoy.
Matod niya nga dapatan unta sa iyang amahan iyang anak nga lalaki sa wala matinong hinungdan apan napugngan niya kini dihang iyang gibabag ug iyang gitabun iyang lawas ngadto sa iyang anak.
Iyang giingan iyang amahan nga hunongon na sa amahan ang pagpangabuso sa iyang anak apan nasuko ang suspek ug siya maoy gipusposan niini sa gibitbit nga kahoy.
Ang mga barangay tanod mao nay nidakop sa suspek ug gihatud ngadto sa mga polis. (/IBM)(BANATNEWS)