Comelec bukas sa Domingo
CEBU, Philippines — Gipahibawo sa Commission on Elections ang mga magpapili sa umaabot nga Barangay ug Sangguniang Kabataan (SK) elections nga abli ang ilang buhatan sa adlaw’ng Domingo, Abril 15 alang sa pagdawat sa certificate of candidacy (COC).
Matud ni Atty. Lionel Marco Castillano, provincial election supervisor, nga magsugod ang pagdawat og COC sa Abril 14 sa alas 8 sa buntag hangtud alas 5 sa hapon hangtud na sa Abril 20 nga maoy katapusang adlaw.
Ang Department of Interior and Local Government (DILG) nisugyot nga i-professionalize ang qualification sa mga molansar apan si Castillano nagkanayon nga mahimo kini kun adunay amendment sa balaud.
“Para nako, dili igo na nga basehan kay naay drop outs nga successful,” matud ni Castillano.
Matud ni Castillano nga ang DILG mopahigayon man sab og seminar sa mga bag-ong mapili sa mga angay ug dili angay buhaton isip mga opisyal.
“Ang katong magpapili, naa ra sa katawhan. Ila pud tan-awon ang katakos sa kandidato sa barangay,” matud ni Castillano. (GMR) (BANAT NEWS)
- Latest
