CEBU, Philippines - Gumikan sa kahadlok nisurender ang giilang high value target human sa pag-eskapo atol sa buy-bust operation sa mga sakop sa Philippine Drug Enforcement Agency sa Villagonzalo II, Tejero, Dakbayan sa Sugbo. Ang suspek giila nga si Rex Andrino Sebumit alyas Abay, 37-anyos, kinsa gikatahong makabaligya og 50 gramos nga shabu matag adlaw ug kini naabot sa pagpamaligya sa Dakbayan sa Mandaue ug ang supply nga drugas gikan sa Baldesamo Drug Group.
Nakuha gikan sa mga operatiba ang 71 gramos nga shabu nga kantidad og P177, 000.
Matud ni PDEA-7 Director Yogi Filemon Ruiz nga gikan sa iyang paglingkod sa katungdanan, kini ang unang higayon nga dunay nitahan nga drug suspect human nieskapo sa buy-bust operation. -/GMR (BANAT NEWS)