CEBU, Philippines – Hingpit na nga nakaduso sa iya’ng certificate of candidacy si Kongresista Gabriel Luis “Luigi” Quisumbing sa pagkamayor sa dakbayan sa Mandaue ubos sa Liberal Party.
Lakip sa niduso ang iya’ng pares nga si Atty Carlo Pontico Fortuna sa pagkabise mayor ug ang mga konsehal nga sila si Demetrio Cortes Jr., Atty. Nenita Layese, Elstone Dabon, Cabancalan Kapitan Cynthia Remedio, Ibabao-Estancia Kapitan Carmelino Del Mar Jr., Canduman Kapitan Leo Jabas, Atty. Olin Seno, Labogon Kapitan Marvin Soco, kanhi konsehal Alfonso Albaño ug Raul Kevin Cabahug.
Si Mayor Jonas Cortes nga mopapili sa pagka-kongresista hulip ni Quisumbing moduso sa iya’ng COC karong Huwebes sa buntag kuyog sa duha nga mopapili sa pagkasakop sa hunta probinsiyal nga sila si Bise Mayor Glenn Bercede sa dakbayan sa Mandaue ug Konsehal Julius Alegado sa Consolacion.
Samtang gikatakda karong buntag nga moduso sa iya’ng COC ang kandidato sa pagka-mayor sa One Cebu Party nga si Konsehal Emmarie “Lolypop” Ouano-Dizon kauban ang iya’ng tandem nga si Konsehal Bethoven “Toben” Andaya ug mga konsehal. - /GMR) (BANAT NEWS)