CEBU, Philippines - Gihingusgan sa Department of Health ang kampanya sa paggamit sa fortified salt batok sa goiter ug mental retardation resulta sa kakuwang sa iodine.
Gilusad kagahapon ang bag-ong selyo sa iodized salt aron daling mailhan ang gibaligyang asin nga duna sa maong sangkap diha sa kamerkaduhan.
Nitambong sa kalihukan si DOH Assistant Secretary Dr. Eric Tayag kinsa mipasabot nga kinahanglang masayran sa katawhan ang saktong paggamit sa iodine aron maseguro nga di makabaton og iron deficiency disorder.
Ang kalihukan gitambayayungan sa Food and Drug Administration, National Nutrition Council ug tigbuhat sa asin.
Pangitaan usab sa grupo og solusyon ang mga asin nga gipamaligya sa mga sari-sari store nga dili mga fortified.
Samtang ang FDA andam nga mosuporta sa kampanya sa DOH pagseguro nga maayo ang kalidad sa usa ka produkto.
Sigon sa FDA nga mohimo sila og inspeksyon aron paghatag og kaseguradohan sa mga tawo nga ang ilang mapalit nga iodized salt dili makadaut sa panlawas. (/GMR)(BANAT NEWS)