CEBU, Philippines - Duha ka mga radio stations ang naningil sa giingong utang sa kagamhanan sa probinsiya.
Ang DyMF Bombo Radyo Cebu ug Kool South Radio network Radyo Natin FM (Manila Broadcasting Company) ang giingong wala pa mabayri sa Kapitolyo sa ilang pipila ka buwang serbisyo. Ang Kool South Radio Network Radyo Nation FM mipadangat og suwat ngadto sa kagamhanan sa probinsiya ug naningil sa P50 mil matag buwan sa ilang gihatag nga serbisyo.
Ang nahisgutang estasyonan nga gipresentahan ni Romarico Mata, Planning and Marketing Manager ug kagamhanan sa probinsiya nga girepresentahan ni Gobernador Gwendolyn Garcia adunay kontrata alang sa programang “Hiniusang Sugbu Numero Uno†nga isibya gikan Hunyo 14, 2012 hangtud karong Hunyo 14 niining tuiga.
Ang oras sa maong programa gikan sa alas 10:00 sa buntag hangtud sa alas 11:00 sa buntag matag weekday diin simultaneously i- air kini sa Radyo Natin sa Balamban, Bogo, Cebu ug Negros Oriental.
Samtang sa Bombo Radyo ang officer-in-charge sa maong estasyonan nga si Marchoflix Lucabon mipadangat og letter request uban sa mga bill sa utang ngadto sa buhatan ni Acting Governor Agnes Magpale. Ang maong estasyonan maoy nag-air sa usa ka 15-segundos nga promosyon sa turismo sa lalawigan sugod sa bulan sa Hulyo hangtud sa Disyembre 2012.
Matud pa nakabayad na ang Kapitolyo og P150,000 apan duna pa kini balanse nga P150,000. (BANAT NEWS)