Bercede nagtuong ang nagpataktak kang Cortes nagtinguha sab kaniya

CEBU, Philippines — Gipangandaman nang daan Mandaue City Mayor  Glenn  Bercede  ang gihugon-hugon nga mga lakang sa pagpasuspenso  kaniya  sa katungdanan pinaagi sa kasong nga gisang-at  diha sa Ombudsman.

Si  Bercede  miingon nga una kining mikatap  sa social media  sama  usab sa nasinati ni kanhi mayor  Jonas  Cortes nga unang gipakatap  sa mga kaatbang sa politika ang pagkasuspenso niini ug pagkahuman ang pagka dismiss gyud sa serbisyo.

Nagtuo si Bercede nga ang mga nagpaluyo sa pagsuspenso kang Cortes mao usab gihapon ang nagpaluyo ug nagtinguha sa pagsuspenso kaniya.

Matud  pa ni  Bercede  nga dugay na nga g-post  sa social media  nga masuspenso ug  naghuwat na lamang siya niini. Gikataho nga niadto pang bulan sa Agosto nigawas sa social media ang maong post nga umaabot na iyang suspensyon.

Si Bercede miingon nga naglakip sa gibasehan sa maong  reklamo  sa Ombudsman batok kaniya mao  ang usurpation  and grave misconduct   tungod sa padayon niyang pagtawag kang Cortes nga mayor ug ang pagtambong niini sa mga kalihokan sa siyudad.

Kun mahinayon nga masuspenso si Bercede ang moasumir  pagkamayor mao si Bise Mayor Nerissa Soon-Ruiz.

Si  Soon-Ruiz kaalyado  ni Kongresista Emmarie "Lolypop"  Ouano - Dizon nga igsoon ni Board Member Thadeo "Jonkie"  Ouano nga kandidato usab pagka mayor  atbang kang Cortes sa 2025 midterm  elections.  IBM BANAT NEWS