PRO-7 mangusog kontra krimen karon kapaskohan

CEBU, Philippines — Samtang nagkaduol ang holiday season ang Police Regional Office-7 mas mipalig-on sa ilang mga operasyon batok tanang matang sa krimen.

Gikan sa November 25 hantod sa petsa 27, 2024 daghang operasyon ang gihimo sa tibuok rehiyon nga niresulta sa pagkasakmit sa 1.4 kilos sa ilegal nga drugas nga nagkantidad og P9.3 million ug drug paraphernalia.

Nasikop sa maong operasyon ang 96 ka indibidwal nga giingong nalambigit sa illegal nga drugas.

Subsob sab ang operasyon sa kapulisan sa illegal gambling sa rehiyon diin 77 ka sugarol ang nasikop ug kapin sa P5,000 nga kwarta ang nasakmit sab. Na-recover sab sa kapulisan ang 80 ka unregistered firearms ug duha ka explosives.

Samtang 118 ka mga wanted ug other wanted persons ang nadakpan.

“Our comprehensive and proactive approach to policing is imperative as we work tirelessly to secure both tourists and residents during the holiday season and other related events. Our goal is to create a safer and welcoming environment in Central Visayas,” sigon ni Police Brigadier General Roy Parena, Officer-In-Charge sa Police Regional Office-7.  IBM BANAT NEWS