Detinado sa Pardo Police Station napalgang patay
CEBU, Philippines — Usa ka lalaki nga gitanggong sa Pardo Police Station ang napalgang patay diha sa sud sa pansayan sa detention cell niadtong Sabado sa buntag.
Sumala pa sa report sa Pardo Police Station ang maong piniriso giila nga si Emerald Aban,26, tungod sa kasong may kalimbigitan sa ilegal nga droga.
Si Lt. Colonel Wilbert Parilla,Deputy City for Operations sa Cebu City Police Office (CCPO) nagkanayon sa dihang gisulod si Aban sa maong detention cell alas 9:20 sa buntag nagsige kini og lugnot-lugnot ug nakadisturbo sa ubang mga piniriso.
“Unya pag-abot saba ba, unruly, iyang samukon iyang mga kauban nga piniriso. So ang gihimo, ang iyang mga kauban nga piniriso gibalhin siya sa pikas nga selda, siya nalang nahabilin,” matud pa ni Parilla.
Apan paglabay og usa ka oras nakaplagan sa desk officer si Aban nga wala na mag-lihok ug wala nay kinabuhi sa pansayan. Dali kining gitabang ug gidala sa tambalanan apan patay na kini.
Ang pamilya ni Aban buot nga ipa otopsiya ang lawas niini aron pagtino kun dunay foul play sa kamatayon niini.
Matod pa ni Parilla, adunay mga bun-og sa kalawasan si Aban tungod kay sige kini og lugnot-lugnot sa dihang siya gidakop sa kapolisan.
“Kay during sa arrest nagka-commotion man, nag resist man siya, so dunay bruises sa iyang lawas, but that will not determine nga dunay foul play, maong i-autopsy aron mahibaw-an ang cause of death niya,” dugang ni Parilla.—Iris Hazel M. Mascardo /IBM
Alert Level 1 gitinguha sa Cebu City
Masaligon ang mga opisyales sa Siyudad sa Sugbo nga mapaubsan gikan sa alert level 2 ngadto sa alert level 1 classification ang siyudad sugod karong adlawa tungod sa pagkubos og maayo sa mga kaso sa Covid-19.
Si Konsehal Joel Garganera, pangulo sa Emergency Operations Center base sa ilahang datos ang Cebu City duna nala’y 131 active cases sa COVID-19 ug sa buwan sa Marso naa lang sa lima ang deaths.
Gawas niini, sa 80 ka barangay sa Cebu City 34 niini ang wala’y reported transmission sa COVID-19 sa milabay nga 14 ka adlaw ug ang positivity rate sa siyudad pasok gihapon sa WHO threshold.
“Ako, I am very optimistic nga by the of 15 this month we will be deescalate to a much lower alert level but then be that as it may we just have prepare ourselve, sa pagkakaron si John Pages just forwarded me the guidelines regarding sports and then kamo nakadawat na sad mo sa akong gihatag nga guidelines pud sa Archdiocese, so basically good nata,” sigon ni Garganera.
Si Cebu City Mayor Michael Rama sa iyang bahin mipasabot nga dihang mianunsiyo siya og kagawasan sa Cebu City gibase niya kini sa science ingon man sa figures.
Matud niya layo na og naabtan ang siyudad, daghan na ang nabakunahan ug miabot na kini og kapin 800 mil nga sobra sa matod pa target aron makuha ang herd immunity. —IBM (BANATNEWS)
- Latest
