Kapin 500 pasyente sa CV ang nangaayo sud sa usa ka adlaw

CEBU, Philippines — Sa labing unang higayon ning tuiga sobra 500 ka mga pasyente sa coronavirus sa Central Visayas ang dungan nga nangaayo gikan sa maong sakit sumala pa sa natala sa Department of Health -7 niadtong Pebrero 15, 2021.

Ang rehiyon nitala og 560 recoveries ug ang 496 niini gikan sa Cebu City, 32 ang sa Lapu-Lapu, tulo sa Bohol ug 29 sa Probinsya sa Sugbo. Si Dr. Mary Jean Loreche ang tigpamaba sa Department of Health (DOH-7) daan ng namahayag niadtong nakalabay nga Lunes nga sa mosunod nga duha ka semana ilang gipaabot nga mokubos na ang kaso sa Covid-19 sa Siyudad sa Sugbo.  Ug tungod kay ang Cebu City man maoy kinadaghanan pirme og mga kaso, mokubos sab ang talaan sa mga kaso sa tibuok rehiyon.

Apan nianang adlawa, duna say nadugang nga 170 ka bag-ong kaso , u gang  103 niini gikan sa Cebu City, unom sa Lapu-Lapu, 36 sa Mandaue, 21 sa Probinsya sa Sugbo ug upat sa Negros Oriental.

Ang active cases sa Central Visayas anaa sa 5, 285 samtang 26, 632 usab ang recoveries ug 1, 509 ang namatay. —Decemay Padilla/IBM (BANATNEWS)