District hospitals palambuon
CEBU, Philippines - Nagsabot ang Kapitolyo, non-government organization, Department of Health ug ubang stakeholders sa pagpauswag sa kinatibuk-ang sistema sa programa sa panglawas.
Ang hepe sa Provincial Health Office, Dr. Rene Catan, nibutyag nga tumong sa Provincial Leadership and Governance Program (PLGP) nga direktang mapaabot ngadto sa katawhan ang panginahanglan kabahin sa panglawas.
Unang tumong sa programa mao ang pagpauswag sa 16 ka tambalanan sa probinsiya diin upat niini mga provincial hospitals.
Gipasabot ni Catan nga ang health delivery dunay duha ka nawong nga gilangkuban sa pagtambal ug ang public health. Ang public health gilangkuban sa sanitation, nutrisyon, pagpanganak ug ang paglikay sa sakit nga tuberculosis.
Kaniadto ang probinsiya nag-focus lang sa hospital apan karon gisentro nila ang public health.
Sa public health itudlo ang mga preventive measures aron ang katawhan malikay sa sakit.
Sa gipahigayong tigum niadtong Miyerkules lakip niini ang Zuellig Family Foundation diin ang ilang adbokasiya mao ang pagpasabot sa mga lider sa lokal nga kagamhanan kung unsa ka importante ang health system. (BANAT NEWS)
- Latest
