Anak ni Alcover magmayor ubos sa One Cebu Party

CEBU, Philippines - Mapasigarbuhong gipahayag ni Partylist Representative Pastor “Jun” Alcover ang pagka-opisyal nga kandidato sa One Cebu Party sa iyang anak   nga magmayor sa lungsod, samtang ang iyang   manghod nga mag-konsehal sa siyudad   ubos usab sa Liberal Party, samtang ang laing anak niya   anaa sa line-up sa mga konsehal sa Team Rama sa dakbayan sa Sugbo,   ang tanan nahimutang sa pulos bantilis nga puwesto alang sa umaabot nga piniliay.

Si Alcover   maoy pinasidunggang mamumulong  sa pagtak-op sa Broadcasters Month nga gipasiugdahan sa mga opisyal sa Sugboanong Komentarista nga Nagpakabana (SUKNA) didto sa Sacred Heart Center sa dalan Jakosalem ning dakbayan sa Sugbo sa miaging Domingo sa gabii.

Matud pa niya nga nakompleto na ang line-up sa iyang anak nga si Lemar Alcover nga mokandidato pagka-mayor sa lungsod sa Tabogon, amihanang bahin sa Sugbo   ubos sa One Cebu Party.

Ang mo-vice mayor ni Lemar    mao si Discoro Conda , samtang ang mga konsehal mao sila si Judith Abellanida, kanhi professor sa University of the Visayas, Ruel Amistoso, Darwin Ybañez, Hilario Bontilao Jr. Joel Manalili 1V, Natividad Ruiz, Joedepen Soon, ug ang ika-walo gigahin alang sa ilang guest councilor.

Samtang si Jung-Jung Alcover   ang anak ni Kongresista Alcover, maoy kandidato sa pagka-konsehal sa dakbayan sa Sugbo ubos sa Team Rama kansang line-up dugay na nga nakompleto.

Ang manghud usab ni Kongresista Alcover nga si Edgar Alcover, nga usa ka magsisibya sa radio usa usab sa mga konsehal nga molansar ubos   sa Liberal Party sa dakbayan sa Carcar.

`Ang lineup sa One Cebu sa Carcar naglakip kang Badong Aleonar kandidato sa pagka-mayor, samtang ang mga konsehal mao si Edgar Alcover, Pastor Juval Galera, Ed Lawas, Coycoy Dadula, Ginging Tolentino, Bony Yan, Julius Sarmiento ug Inday Pila Sato.

Matud pa ni Alcover nga didto ideklarar ni Gobernador Gwendolyn Garcia si Alemar Alcover  ug mga kauban sa line-up niini    sa Marco Polo Hotel ning dakbayan sa Sugbo sa miaging Biyernes.

Nunot niini milaum si Alcover nga maglayag sa kadaugan    si Lemar nga magmayor sa Tabogon, ug Jung-Jung nga magkonsehal sa dakbayan sa Sugbo ug ang iyang manghud nga si Edgar nga magkonsehal sa dakbayan sa Carcar.

Si Alcover kansang asawa lumad nga taga Tabogon nagkanayon nga naluoy siya sa maong lungsod kay   mga hinabang unta siya niini gikan sa iyang pork  barrel isip kongresista sa partylist, apan   dili dawaton sa kasamtangang mayor.

Maoy hinungdan nga nakahukom siya nga pakandidatohon pagka-mayor si Lemar buwahan wala nay makasabod sa ibubo niyang hinabang sa Tabogon mintras tanto nga anaa pa siya sa kongreso ug gani ang mga kapitan sa One Cebu sa maong lungsod gigahinan na niya og tag-P500 mil nga mga proyekto.

Sa bahin ni Jung-Jung, si Alcover nagkanayon nga nasuta niya ang balwarte ni Jungjung sa kabukiran tungod kay gawas nga karaan kining kapitan sa Agsungot, ang mga molupyo sa kabukirang barangay nalipay kaayo nga may dali silang maduol nga konsehal sa city hall nga gikan sa       bukid.

Samtang si Edgar , ang kaliwat sa mga Alcober sa Carcar ug sa mga suod kaayo sa ilang pamilya ug sa mga molupyo nga lunod patay sa Liberal Party maoy tataw nga mosuporta niini.

Busa   gikuwenta ni Kongresista Alcover nga di mabitay sa boto ang iyang  mga anak ug manghud sa umaabot nga piniliay

Ang pagsang-at nila sa certificate of candidacy himoon nila karong adlawa. (Wen Celen) (BANAT NEWS)