CEBU, Philippines - Gipasidan-an sa kagamhanan sa siyudad sa Sugbo ang mga bangko nga gidepositohan sa salapi sa siyudad nga dili mo-release sa ilang salapi ngadto sa pamilyang Rallos. Kini maoy gibutyag ni City Attorney Joseph Bernaldez pinaagi sa suwat ngadto sa mga managers sa bangko nga gidepositohan og kuwarta sa dakbayan.
Nagkanayon si Bernaldez nga mohimo sila og legal nga aksyon batok sa mga bangko kung dili kini motuman sa ilang kamandoan. Dugang pa niya nga ang siyudad misang-at og “omnibus motion” aron ipadaplin ang nadawat nila nga “notice of garnishment.”
Kahinumduman nga ang mga Rallos midemanda nga pabayron ang siyudad og kapin sa P133 milyones sa nagamit niini nga yuta sa maong kabanay sukad niadtong 1963.
Subling gibarogan sa mayor nga buhaton niya ang mga pamaagi nga dili mausik ang kwarta sa siyudad. Dugang pa niya nga nagbaha ang giplanong mga proyekto sa siyudad ug dinhi angayang idapat ang kwarta sa siyudad. (BANAT NEWS)