CEBU, Philippines - Patay ang usa ka tawo ug grabeng naangol ang kauban niini sa dihang gipamusil sa armadong mga lalaki samtang nagsakay og motorsiklo aron maningil og utang sa sitio Basbas, barangay Pagsabungan, Mandaue alas 8 pasado ang takna sa miaging gabii. Si Bejorne Galan, 28, namatay kay naigo sa bukobuko samtang si Eric Herondio, 19, na-ospital kay naigo sa hawak. Mga residente sila sa Canduman Housing, barangay Canduman, Mandaue. – BANAT NEWS