Manag-uyab nga bag-o lang nigawas sa usa ka fastfood chain gitulis sa upat ka wala mailhing tawo sakay sa motorsiklo kagahapon sa kaadlawon diha sa uptown area dalan Osmeña boulevard dakbayan sa Sugbu.
Ang gitulis ug nakuhaan og salaping cash nga P9 mil giila ang biktima nga si Ricardo Emmanuel Abaya, 23, ulitawo ug residente sa dalan Duterte ug Corner Fortech, Banawa barangay Guadalupe.
Base sa blotter sa Fuente Police Station upat ka wala mailhing tawo ang niduol sa biktima ug usa niini ang niduol ug nition og wala matinong kalibre sa armas dayong diklarar hold-up.
Nasayran sa Banat News kang SPO3 Samson Go sa Fuente Police Station nga wala na maapil sa blotter ang pangan sa hinigugma sa biktima.
Human milampos ang upat ka tulisan daling misutoy sa ilang motorsiklo paingon sa Kalunasan hinungdan nga nahitabo ang ginukdanay tali sa mga sakop sa Mobile Patrol Group apan wala gyud nila maapsi ang maong mga tulisan.